Date of Award

Fall 9-2016

Document Type

Thesis

Degree Name

Bachelor Degree

Department

Management, Business and Economics

First Advisor

Bukurie Imeri-Isufi

Language

Albanian

Abstract

Teza trajton risqet bankare dhe krizën ekonomike globale të viteve 2008-2011 duke nisur me përshkrimin dhe analizën e shkaqeve kryesore të saj si dhe debatet në lidhje me shkaktarët kryesorë të krizave. Krizat financiare dhe ekonomike nuk janë të panjohura për botën. Ato u paraqitën gati në mënyrë ciklike në periudha të ndryshme nëpër shekuj, duke tundur shumë herë edhe themelet e shteteve. Këto kriza u shfaqen nëpër të gjitha format e tyre: financiare, ekonomike, sociale...

Si pasojë e shkallës së lartë të integrimit të sistemeve financiare në botë, kriza financiare u shpërnda shumë shpejtë edhe në vendet tjera. Evoluimi i shpejtë i krizës financiare si dhe rënia e besimit në tregun ndërbankar rezultoi në rënie të likuiditetit dhe rritje të normave të interesit në këtë treg ku, për shembull, Libor dhe Euribor shënuan një rritje të vazhdueshme. Për më tepër, financimi ndërbankar në afat më të gjatë pothuaj pushoi së ekzistuari. Si rezultat, një numër i konsiderueshëm i bankave u ndodh në vështirësi të mëdha financiare duke lëkundur besimin e përgjithshëm në tregje.

Brenda një kohe të shkurtër, problemet në sektorin financiar u reflektuan edhe në sektorin real të ekonomisë. Kjo ndodhi kryesisht përmes shtrëngimit të kredisë për biznese dhe ekonomi familjare duke shkaktuar ngadalësimin e aktivitetit ekonomik dhe duke krijuar pasiguri të lartë në tregjet e kapitalit. Ngadalësimi ekonomik në SHBA sjell uljen e importeve nga bota emergjente, që ndikon rëndë në ekonominë e tyre. Po ashtu, ky ngadalësim ndikon në papunësi, ulje të shitblerjeve, dëmtim të konfidencës së konsumatorëve, që në fund sjellin një ulje të nivelit të shpenzimeve në tregjet e përgjithshme dhe presion të drejtpërdrejtë në vlerën e aseteve të patundshme.

Kriza ndërkombëtare ka shfaqur efektet e saj në mbarë ekonominë globale. Kryesisht kjo krizë i ka dhënë këto efekte në aspektin financiar dhe për këtë arsye qëllimi i temës është që të jap disa mendime në lidhje me krizën ekonomiko – financiare, arsyet e kësaj krize dhe mënyrën e menaxhimit të saj.

DOI

10.33107/ubt-etd.2016.1024

Download

Included in

Business Commons

Share

COinS