Date of Award

2021

Document Type

Thesis

Degree Name

Bachelor Degree

Department

Architecture and Spatial Planning

First Advisor

Kujtim Elezi

Language

Albanian

Abstract

Në këtë temë të diplomës shtjellohet një studim dhe analizë rreth gjendjes faktike të njërit nga objetet e shtatë ish-kinemave të Mitrovicës, gjegjësisht të Kinemasë së Tunelit të Parë e cila nuk u funksionalizua kurrë. Tema përmbanë edhe projekt propozimin për rifunksionalizimin e këtij objekti ku perveç kinemasë, përfshihen edhe teatri, galeria e arteve, bari, dhe kulmet e gjelbëruara.

Qëllimi kryesor i këtij projekti është ringjallja e një objekti të papërfunduar në mënyrë që objekte të tilla të mos mbesin në harresë e sidomos të mos zëvendësohen nga objekte të reja. Shpesherë në vendin tonë shumë nga këto objekte me vlera kulturore mbesin të anashkaluara pa ndonjë plan të ringjalljes, prandaj ky projekt ka rëndësi të madhe për qytetin e Mitrovicës i cili dikur njihej sikur qyteti i kulturës. Hulumtimi ‘Analizë mbi gjendjen e tanishme të Sektorit Kulturor në Mitrovicë’ nga 7Artet deklaron se ka mungesë të aktiviteteve kulturore. (7ARTE, 2016)

Si rrjedhojë e mungesës së burimeve të informacionit dhe fakteve të shkruara rreth faktorëve që ndikuan në gjendjen e tanishme të kinemasë, kjo analizë bazohet në hulumtim primar. Hulumtimet janë bërë përmes intervistave me profesionistë të ndryshëm si dhe me banorët e lagjës të cilët kanë qenë të ndikuar në mënyrë të drejtpërdrejt nga objekti i kinemasë apo mos përfundimi i saj. Në pamundësi të qasjes në dokumentacionet origjinale, projekt propozimi është ideaur dhe dizajnuar duke pasur për bazë gjendjen aktuale të objektit në fjalë. Dizajni bazohet në parimet e qëndrueshmërisë.

DOI

10.33107/ubt-etd.2021.2555

Download

Included in

Architecture Commons

Share

COinS