Date of Award

Winter 1-2018

Document Type

Thesis

Degree Name

Bachelor Degree

Department

Mechatronics, System Engineering and Robotics

First Advisor

Ines Bula

Language

Albanian

Abstract

Nevoja për elektricitet në ditët e sotme është ndër ato vitalet mund të themi.Mos funksionimi i elektricitetit kushtëzon ndalimin e një mori punësh të përditshme dhe aty ku ndihet nevoja më e madhe janë industritë e ndryshme.Mungesa e rrymës elektrike shkakton mos funksionimin e teknologjisë e cila në jetën tonë është shumë e pranishme, në industri paisjet e ndryshme nuk mund të funksionojnë pa rrymë elektrike.

Në mënyrë që procesi i furnizimit të rrymës elektrike të vazhdojë pa ndërprerë, duhet që në rrjetin nga prodhimi në centrale e deri tek furnizimi të vendosen paisje të caktuara që bëjnë transmetimin dhe transformimin e rrymës sipas nevojës.

Paisjet të cilat kanë rendësi themelore në transformimin e energjisë elektrike në rrjet janë transformatorët.

Parimi i punës së transformatorit, analizimi i dizajnit dhe pjesët më të ndjeshme brenda tij, janë fokusi i këtij punimi, më saktësisht transformatori i tensionit të lartë. Ky transformator tre fazor bën ndryshimin e tensionit siq edhe vet fjala tregon, pra transformimin.

Poashtu është bërë analiza e tregut të tyre si një industri mjaft e kushtueshme, në kuadër të kësaj analize është vënë në dukje arsyeja e cila shkakton rritjen e kostos së kësaj paisje.

Qëllimi i këtij punimi është analizimi i detajuar i procesit të punës, në këtë menyrë kemi gjetur problemet më të shpeshta në këto paisje. Përveq analizmit nga literatura dhe konsultimit me mentorin është bërë vendosje e materialit edhe nga terreni, këto materiale perfshijnë foto nga terreni dhe në bazë të eksperiencës përgjatë punës me këto paisje është vendosur të diskutohet problemi më i shpeshtë me ta.

Edhe transformatori si paisjet tjera nuk është ideal, ka humbje dhe prishje, mirëpo me avancimin e teknologjisë është bërë e mundur reduktimi i prishjeve brenda tij, kjo falë përmirësimit të kualitetit të pjesëve përberëse.

Industria e transformatorëve është gjithmonë në kërkim të stabilimenteve të cilat rrisin jetëgjatësine e këtyre paisjeve dhe evitojnë dëmtimin e tyre përfundimisht. Transformatorët e prodhuar më herët kanë pasur prishje më të shpeshta, prandaj në vazhdimësi bëhet prodhimi i tyre në mënyrë që të bëhet zëvendësimi i transformatorëve më të vjetër dhe të arrihet një infrastrukturë me kosto më të ulët, jetëgjatësi më të madhe dhe mbi të gjitha siguri më e lartë.

DOI

10.33107/ubt-etd.2018.195

Share

COinS