Date of Award
Fall 10-2014
Document Type
Thesis
Degree Name
Bachelor Degree
Department
Management, Business and Economics
First Advisor
Feim Brava
Language
Albanian
Abstract
Evidenca prej vendeve të ndryshme tregon se efektet e diasporës dhe remitancave mund të jenë
domethënëse për ekonominë e një vendi. Në përgjithësi, efektet ekonomike të diasporës dhe
remitancave mund të jenë pozitive, mirëpo gjithashtu ekzistojnë edhe disa implikime negative.
Emigrimi nga Kosova për në vendet e perëndimit ka filluar në fund të viteve të „60-ta dhe në
fillim të viteve të „70-ta dhe mund të ndahet në katër faza: 1) 1960-1988, 2) 1989-1997, 3) grupi
i refugjatëve të luftës së vitit 1998/99 në Kosovë, dhe 4) 2000-20012. Faza e parë është
karakterizuar me emigrim të punëtorëve të përkohshëm shqiptarë, kryesisht drejt Gjermanisë dhe
Zvicrës. Faza e dytë, 1989-1997, është dominuar nga emigrimi i meshkujve të rinj më të
arsimuar dhe më të aftë me shkathtësi pune, nga fshatrat dhe qytetet. Këta meshkuj kanë ikur nga
shërbimi ushtarak jugosllav, sidomos gjatë viteve 1992-1995. Faza e tretë përfshin emigrimin e
detyruar – zhvendosjen masive të popullatës – si rezultat i luftës së vitit 1998/99 në Kosovë.
Remitancat klasifikohen në dy kategori kryesore: të brendshme dhe të jashtme. Remitancat e brendshme janë atëherë, kur ka migrim nga zonat rurale në ato urbane brenda vendit për shkak të mundësive më të mira për punësim. Në numrin më të madh të rasteve, remitancat janë transfere mes personave që jetojnë në vende më të zhvilluara dhe atyre në vende në zhvillim, pra edhe me standarde më të ulëta jetese. Qëllimi i këtyre transfereve është kryesisht për të siguruar kushtet e jetesës e rrallëherë për qëllime përfitimi.Në vendet në zhvillim, dërgesat e emigrantëve zënë një vend mjaft të rëndësishëm në zhvillimin ekonomik dhe mirëqenien sociale të tyre. Edhe Kosova si çdo vend tjetër në zhvillim ka një numër të konsiderueshëm të qytetarëve të saj, që jetojnë në vende tjera më të zhvilluara (kryesisht në Bashkimin Evropian). Duke ditur numrin e lartë të të papunëve në Kosovë, nga vitet ’90 e tutje, kanë qenë remitancat ato që kanë siguruar kushtet e jetës për shumë nga qytetarët e Kosovës.
DOI
10.33107/ubt-etd.2014.889
Recommended Citation
Deshishku, Erona, "ROLI I MIGRIMIT DHE PARAVE TË DËRGUARA" (2014). Theses and Dissertations. 1005.
https://knowledgecenter.ubt-uni.net/etd/1005