Date of Award

Fall 10-2019

Document Type

Thesis

Degree Name

Bachelor Degree

Department

Management, Business and Economics

First Advisor

Bejtush Ademi

Language

Albanian

Abstract

Gjatë viteve të fundit, tema e njohjes së sfidave dhe zhvillimit të mundësive për ndërmarrësit e rinj ka marrë një interes të shtuar pasiqë është pjesë thelbësore e hulumtimit të ndërmarrësive. Aktualisht, nuk ka shumë hulumtime në dispozicion që të identifikojmë procesin e njohjes së sfidave dhe zhvillimit të mundësive në tërësi. Mundësitë konsiderohen si përbërës objektivë të procesit të ndërmarrësisë që janë subjektive ndaj individit i cili po i njeh dhe i zhvillon ato. Kjo tezë ndërthur teori dhe hulumton më shumë mbi njohjen e sfidave dhe zhvillimin e mundësive duke marrë parasysh faktorët, proceset njohëse dhe llojet e burimeve që ndikojnë në to.

Qëllimi i këtij studimi është të hulumtojë temën se me çfarë sfidash përballen dhe si i zhvillojnë mundësitë ndërmarrësit e rinj në Kosovë. Për të realizuar studimin hulumtues është përdorur një metodë cilësore, duke përdorur intervista gjysmë të strukturuara, ballë për ballë përmes një metode të marrjes së mostrave në mbledhjet e reja të ndërmarrësve të fushave të ndryshme të vendosura në pjesë të ndryshme të Kosovës.

Gjetjet e hulumtimit tregojnë se sfondi arsimor dhe profesional, vlerësimi i kërkesave të tregut, mundësia për të pasur një mentor, një hulumtim i strukturuar mirë i tregut, një kombinim i intuitës dhe kërkimit të strukturuar para se të ndiqni një mundësi si dhe ndryshimet dhe adaptimet në mjedisin e biznesit nga e para deri te ideja e fundit, janë faktorë thelbësorë që ndikojnë pozitivisht në njohjen e mundësive dhe kështu ekspozojnë idenë e biznesit në një potencial më të lartë të suksesit.

Ky përshkrim prezanton propozimin për zhvillim në lidhje me njohjen dhe realizimin e mundësive te ndërrmarrësve të rinj. Qëllimi i kësaj teme do të jetë adresimi i çështjes se si ndërrmarrësit e rinj në Kosovë i njohin dhe i realizojnë mundësitë biznesore. Metodologjia e zhvillimit të mëtutjeshëm të kësaj teme do të përfshijë intervista me ndërrmarrës të rinj.

DOI

10.33107/ubt-etd.2019.1886

Download

Included in

Business Commons

Share

COinS