Date of Award

Fall 10-2020

Document Type

Thesis

Degree Name

Bachelor Degree

Department

Medicine and Nursing

First Advisor

Hajrullah Fejza

Language

Albanian

Abstract

Hyrje - duke e ditur se stresi në punë është fenomen global që prek të gjitha profesionet, fokusi i studimit tim është tek stresi në punë në profesionin e infermierisë, profesion i cili është kyç për të ofruar kujdes shëndetësor, dhe një aspekt i rëndësishëm është edhe niveli i stresit që infermierët përjetojnë në punën e tyre.

Qëllimi - i këtij hulumtimi është të identifikoj sa është i pranishëm stresi në punë në mesin e infermierëve në spitalin e Ferizajt. Me rezultatet e këtij studimi synohet që të dimë se cilat janë situatat më stresuese në profesionin e infermierisë, a ndikon stresi i punës edhe në jetën e tyre pas pune dhe si arrijnë ta menaxhojnë stresin në punë, që ofrimi i kujdesit tek pacientët të jetë në nivelet e duhura.

Metodologjia - metoda që është përdorur për realizimin e këtij hulumtimi është me qasje kualitative (cilësore). Instrument për mbledhjen e të dhënave është përdorur pyetësori për matjen e shkallës të zgjeruar të stresit të infermierisë (ENSS-ExpandedNursingStressScale), i cili ka përfshirë të dhënat e përgjithshme dhe pyetje shtesë demografike. Në studimin e realizuar kanë marrë pjesë 30 infermier të punësuar në spitalin e Ferizajt.

Rezultatet - e studimit kanë dhënë përgjigje në pyetjen kërkimore. Duke u bazuar në rezultatet shohim se profesioni i infermierisë llogaritet stresues në shkallën 5, nga 0-10, me përqindjen më të madhe nga përgjigjet (23%), situatat më stresuese rezultatet i tregojnë vdekjen e pacientit gjatë kujdesit dhe ekspozimin e tepërt ndaj infeksioneve dhe dëmtueseve të tjerë (50%), në uljen e nivelit të cilësisë në ofrimin e kujdesit shëndetësor stresi ndikon mesatarisht (63%), infermierët arrijnë më së miri të menaxhojnë stresin duke bashkëpunuar me kolegët që rezultatet tregojnë (73%), dhe ndonjëherë (76%) stresi i punës i përcjell ata edhe në jetën e përditshme.

Konkluzionet – nga rezultatet e këtij hulumtimit mund të konkludojmë se profesioni i infermierisë është mesatarisht stresues, por bashkëpunimi i mirë mes infermierëve dhe një staf i mirë organizuar do të ulte shkallën e stresit në punë dhe të rritet niveli i cilësisë në ofrimin e kujdesit shëndetësor.

DOI

10.33107/ubt-etd.2020.2721

Download

Included in

Nursing Commons

Share

COinS