Date of Award

Summer 8-2014

Document Type

Thesis

Degree Name

Bachelor Degree

Department

Management, Business and Economics

First Advisor

Ilir Salihu

Language

Albanian

Abstract

Ky punim ka për qëllim të tregojë rolin dhe rëndësinë e komunikimit në menaxhimin e organizatave, me theks të veçantë në raportin midis udhëheqësve dhe vartësve.

Rëndësia e komunikimit qëndron në faktin se ai përdoret për të lehtësuar procesin e kryerjes së punëve të përditshme.

Trungu i këtij punimi sjell dëshmi dhe përvoja mbi linjëveprimin e aplikuar të komunikimit në disa organizata, të cilat janë të dallueshme mes vete për nga fushëveprimtaria, madhësia, karakteri dhe struktura e brendshme, të cilat aplikojnë komunikimin në mënyra të ndryshme. Kjo veçori i bën ato si raste ideale për ti krahasuar aty ku linjëveprimi i tyre është i ngjashëm, dhe të kontrastueshme aty ku përvojat dhe metodat e aplikuara janë të ndryshme.

Komunikimi në menaxhimin e një organizate ka të bëjë më shumë me krijimin e kanaleve të komunikimit vertikal dhe horizontal, zgjedhjen e gjuhës dhe tonit të përshtatshëm, teknologjisë së komunikimit, e kështu me radhë. Komunikimi tradicionalisht është shikuar si transmetim informatash të drejtuara nga udhëheqësi te vartësi në formë urdhëri, gjë që ende mbetet si relikt i trashëguar nga sistemi i kaluar, që në brendinë e këtij punimi diplome reflektohet përmes një organizate shtetërore ku ende shihen elemente të këtij lloji të komunikimit. Përmes rasteve konkrete është shpalosur edhe metoda e avancuar bashkëkohëse e komunikimit, që del të jetë shumë më e pranueshme, pavarësisht barrierave gjuhësore (prania e multietnicitetit), që njëkohësisht e bën këtë shkrim akademik shumëdimensional dhe të trajtuar nga këndvështrime të ndryshme.

Vëmendje e veçantë i është kushtuar efikasitetit të komunikimit dhe shpalosjes së rëndësisë që ai bartë në procesin menaxhues, respektivisht se si përdoret gjuha dhe teknikat e komunikimit për të gjeneruar performancë më të kënaqshme në kuadër të menaxhimit të një organizate.

DOI

10.33107/ubt-etd.2014.1974

Download

Included in

Business Commons

Share

COinS