OBJEKTI I KOMUNËS NË DEÇAN

Author

Ardit Shehu, University for Business and Technology - UBT

Date of Award

Fall 10-2018

Document Type

Thesis

Degree Name

Bachelor Degree

Department

Architecture and Spatial Planning

First Advisor

Lulzim Beqiri

Language

Albanian

Abstract

Qëllimi kryesor i kësaj Teme të Diplomës,qëndron në projektimin dhe dizajnimin e një objekti administrativ siç është Objekti i Komunës,duke marrë për bazë rregulloren e projektimit të këtyre llojeve të objekteve në Arkitekturë si dhe kushteve rregullative të komunës ku objekti është paramenduar të vendoset.Projektimi i objekteve administrative në përgjithësi në ditët e sotme,duhet të bazohet në dizajn modern arkitektural,sepse dita-ditës administrate po e humb rëndësinë,që dikur e ka pasur,pasi që me zhvillimin e teknologjisë dhe avancimin e pajisjeve teknologjike adekuate konsumatori,pra në këtë rast qytetari i thjeshtë mund të pajiset shumë lehtë në mënyrë elektronike me dokumentet që i nevojiten,ndoshta në disa raste pa i frekuentuar fare objektet administrative apo pa patur kontakt me personat adekuat zyrtarë.

Edhe pse në letër projektimi i një objekti të tillë,siç është Objekti i Komunës duket i lehtë,prapë se prapë,paraqet një sfidë në vete,për faktin se duhet gjetur disa faktorë balanci mes konsumatorit në nevojë(qytetarit),zyrtarit komunal adekuat dhe teknologjisë me avancimin e saj të pandalshëm.Kjo nuk është sfida e vetme që duhet zgjidhur me kthjelltësi.Paraqitet edhe pyetja se pse e kemi zgjedhur një objekt të tillë si Temë Diplome,kur dihet se ndoshta në të ardhmen nuk do të ketë fare nevojë për një objekt të tillë të Komunës me përmasat dhe dimensionet që i ka sot.

Ekziston edhe një tjetër prapavijë e kësaj teme,që nuk është vetëm projektimi i një Objekti të Komunës,por edhe i tërë Kampusit Komunal me një sipërfaqe prej 1.0437787 hektarë.Synimi fillestar ka qenë që projektimi i Objektit të Komunës të përshtatet me dizajnimin e hapësirës së Kampusit dhe e tërë kjo të rezultojë në fund një tërësi arkitektonike e suksesshme dhe identifikuese për zonën qendrore të qytetit të Deçanit.

Projektimi i Objektit të Komunës,organizimi si dhe dizajnimi i Kampusit Komunal është bazuar në disa faktorë:

• Shkrirja e Arkitekturës dhe Administratës në një njësi të vetme dhe funksionale;

I

• Ekzistimi i një Objekti të Komunës,që do t’i plotësojë nevojat e së tashmes me tendencë të shndërrimit të këtij objekti në një qendër multifunksionale në të ardhmen;
• Krijimi i hapësirave që do të kontribojnë në plotësimin e nevojave të qytetarëve,të cilët e vizitojnë Kampusin e Komunës me inventarin e nevojshëm urban.

Projektimi i një objekti me sipërfaqe prej 14476.32 m²,kërkon eksplorim të thukët të ideve dhe mundësive,të cilat duhet të implementohen brenda bazave,në mënyrë që nëpunësit të ndjehen komfort në vendet e tyre të punës si dhe konsumatorët poashtu.Janë krijuar përpjekje që pamja fizike të përputhet me plotësimin e funksionit dhe këto dy elemente të ngërthejnë në një structure arkitektonike të suksesshme dhe identifikuese.Dizajnimi i rrethinës dhe Objektit të Komunës në Deçan,ka lindur si nevojë e madhe që ky qytet të ketë një bazë të fortë identifikuese,të ecë në rrjedhën e zhvillimit sikurse komunat e tjera të Kosovës dhe të ketë një hapësirë të jashtme,që plotëson nevojat e rehatisë me inventor urban adekuat,shtigje të këmbësorëve me material adekuate dhe të nevojshme,hapësira të bollshme të gjelbra me bimë të kësaj zone dhe hapësira nëntokësore,që e bëjnë Komunën jo vetëm Objekt të Komunës,,por edhe qendër multifunksionale,pasi që përpos një parkingu të bollshëm nëntokësor,ekziston edhe hapësira e Galerisë,ku ekspozohen vepra arti dh elemente të trashëgimisë kulturore.

Gjatë përpunimit të kësaj teme kam arritur që të fitoj njohuri edhe më të gjera rreth projektimit dhe dizajnimit të objekteve të administrates,dizajnimin e sipërfaqeve të mëdha urbane,përdorimin e teknologjisë në sistemin e ndriçimit,ngrohjes dhe ventilimit,përfitimin e ndriçimit natyral në hapësirat funksionale nëntokësore dhe shumë njohuri tjera.

DOI

10.33107/ubt-etd.2018.617

Recommended Citation

Shehu, Ardit, "OBJEKTI I KOMUNËS NË DEÇAN" (2018). Theses and Dissertations. 650.
https://knowledgecenter.ubt-uni.net/etd/650