Date of Award

Summer 7-2019

Document Type

Thesis

Degree Name

Bachelor Degree

Department

Management, Business and Economics

First Advisor

Gonxhe Beqiri

Language

Albanian

Abstract

Brendet janë përceptuar si ofrimi i një sigurie më të madhe dhe me nivel më të lartë të performancës, duke eleminuar alternativat, dhe duke siguruar një përshtatje më të mirë të preferencave të përceptuara. Pra, brendet e fuqishme kanë më shumë konsumatorë dhe shkallë të lartë të besnikërisë gjë që shkakton blerje të përsëritura dhe të larta. Është demonstruar që konsumatori i vlerëson brendet si një faktor i lartë në vendimet e tij të blerjes, qoftë edhe për produktet e përditshme. Konsumatorët krijojnë marrëdhënie individuale bazuar në përceptimin e tyre ndaj brendit, kuptimin e brendit dhe eksperiencat e tyre. Kështu duket, që konsumatori e krijon personalisht brendin ndërmjet komunikimit të tyre në kontekste të shumëfishta. Edhe pse, përparësitë e brendit janë njohur dhe pranuar, gjithmonë ka ekzistuar një sferë kontroverse, një debat me pro dhe kundër brending-ut, dhe është formuar edhe një lëvizje konsumatorësh me opinionin që produktet duhet të etiketohen bazuar vetëm nga përmbajtja dhe karakteristikat e tyre.

Strategjitë e brendit përfshijnë zgjerimin e linjës, zgjerimin e brendit, multi brendet dhe brendet e reja. Zonat kryesore të cilat ndikojnë në sjelljen e blerësit dhe vendimmarrjen në procesin e strategjive të brendeve janë: ndikimi i çmimit, përdorimi i teknologjisë së lartë dhe ndryshimi në kulturë. Kur potenciali dhe aftësitë aktuale të brendit nuk arrijnë mbështetjen e duhur, në mënyrë të pashmangshme audienca përfundon e pakënaqur dhe brendi humb kredibilitetin e tij. Mungesa e kredibilitetit reflektohet edhe në përfshirjen e audiencës në brend e cila mund të jetë me rëndësi kyçe për vendosjen e brendeve. Fuqia e brendit për të ndikuar tek blerësit mbështetet tek paraqitjet dhe marrëdhëniet.

Pyetja e parashtruar në këtë kontekst hulumton ndikimin që ka brendi në sjelljen e konsumatorit. Duke pasur parasysh natyrën e temës së hulumtimit është zgjedhur të përdoren të dhënat sekondare me qasje kuantitative hulumtuese. Metoda kuantitative në këtë rast, në raport me brendin përputhet në identifikimin më të lehtë të problemit të shtruar, pra sa ndikon brendi në sjelljen e konsumatorit dhe me shqyrtimin e variabileve të krijuara, arrijmë në konkluzionet e dëshiruara dhe krijohet një pasqyrë më e qartë identifikuese në raport me temën.

Mënyra e mbledhjes së të dhënave është bërë në bazë të metodës së observimit përshkrues dhe pyetësorëve të realizuar në baza hulumtuese sekondare. Gjithashtu, është inkuadruar analiza krahasuese si bazë hulumtuese pasi që mundëson interesin shpjegues për të fituar një kuptim më të mirë të shkaqeve të krijuara në një situatë të caktuar. Apple dhe Samsung, dy brende multinacionale teknologjike në përballje me njëra tjetrën ndihmojnë në qartësimin e pasqyrës që nevojitet për të arritur në konkluzionet e dëshiruara ndaj raportit brend dhe konsumator. Kjo do të arrihet në mes inkuadrimit të teorive të ndryshme nga autorë dhe krahasimeve statistikore ndër kategori të ndryshme me një sfond professional. Krahasimi i këtyre dy brendeve na mundëson qartësimin dhe evaluimin e ndikimit që kanë këto dy kompani si brende të njohura në sjelljen blerëse të konsumatorit, analizë kjo e cila zbatohet në bazë me kornizën konceptuale.

Korniza konceptuale përcakton variablat të cilat ndikojnë në një fenomen të caktuar dhe thekson nevojën për të shqyrtuar mënyrën se si ndikojnë ato variabla dhe në qfarë rrethanash. Ky hulumtim ekzaminon kornizën konceptuale të faktorëve që ndikojnë në sjelljen blerëse të përdoruesve të brendeve Apple dhe Samsung në aspektin demografik dhe gjeografik, apo më saktësisht për arritjen e gjetjes së arsyeve pse konsumatorët bëjnë përzgjedhjet e tyre për brendet në fjalë.

DOI

10.33107/ubt-etd.2019.1884

Download

Included in

Business Commons

Share

COinS