Date of Award

Winter 1-2020

Document Type

Thesis

Degree Name

Bachelor Degree

Department

Political Science

First Advisor

Ilir Zylfiu

Language

Albanian

Abstract

Sistemi presidencial është një sistem qeverisës demokratik dhe republikan, ku një kryetar i qeverisë drejton një degë ekzekutive që është e ndarë nga dega legjislative. Ky kryetar qeverie në të shumtën e rasteve është edhe kreu i shtetit, i cili quhet president. Në teorinë bashkëkohore politike nuk ekzistojnë rregulla unike të funksionimit të sistemeve parlamentare sepse parlamentarizmi nuk paraqitet si një model i vetëm. Ai sot paraqitet në forma dhe variante të ndryshme, në varësi nga parimet dhe veçoritë e organizimit politik të shteteve të ndryshme.

Bazat e sistemit politik në SHBA janë përcaktuar me kushtetutën e vitit 1787 e cila është plotësuar edhe me 26 amendamente dhe sot e kësaj dite është ende në fuqi. Ky sistem bazohet në rregullat e qeverisjes shtetërore të sistemit presidencial. Dallimi nga format e tjera të qeverisjes është në faktin e ndarjes së pushtetit shtetëror në legjislativ, ekzekutiv, gjyqësor. Pra, parimi themelor i këtij sistemi është se një pushtet e kufizon pushtetin tjetër. Pushtetin legjislativ e ushtron Kongresi, pushtetin ekzekutiv e ushtron presidenti dhe ai gjyqësor ushtrohet nga gjykata supreme

Në punimin tim të diplomës kam trajtuar sistemin presidencial në kuptimin e modelit të qeverisjes. Fillimisht trajtoj aspektin historik të krijimit të SHBA-ve, analizoj rrethanat e shpalljes së Pavarësisë, theks të veçantë i vë kuptimit të sistemit politik, kushtetutës së SHBA-ve, formimit të institucioneve. Pastaj do të shqyrtoj kompetencat e presidentit, kompetencat e kongresit dhe kompetencat e Gjykatës Supreme.

Në fund të këtij punimi do të kuptojmë më shumë rreth mënyrës se si funksionon sistemi presidencial, cilat janë avantazhet dhe disavantazhet e këtij sistemi.

DOI

10.33107/ubt-etd.2020.2498

Download

Share

COinS