Date of Award

Spring 5-2021

Document Type

Thesis

Degree Name

Bachelor Degree

Department

Management, Business and Economics

First Advisor

Mirjeta Domniku

Language

Albanian

Abstract

Ky hulumtim sqaron temën për faktorët motivues që ndikojnë në menaxhimin e burimeve njerëzore në një kompani jashtë vendit. Detyra themelore e menaxhmentit është shfrytëzimi efektiv i burimeve njerëzore për arritjet e objektivave organizative. Menaxhimi i personelit ka të bëjë me organizimin e burimeve njerëzore në një mënyrë të atillë për të marrë maksimumin e prodhimit në ndërmarrje dhe për të zhvilluar talentin e njerëzve në punë me kënaqësinë më të plotë. Motivimi i punonjësve është një nga çështjet kryesore me të cilat përballet çdo organizatë. Detyra kryesore e çdo menaxheri është të motivojë vartësit e tij ose të krijojë ‘vullnetin për të punuar’ mes vartësve. Duhet të mbahet mend gjithashtu që një punëtor mund të jetë jashtëzakonisht i aftë të bëjë ndonjë punë; asgjë nuk mund të arrihet nëse ai nuk është i gatshëm të punojë. Motivimi i punonjësve është niveli i angazhimit, energjisë dhe inovacionit që stafi i një kompanie mbajnë gjatë ditës së punës.

Një menaxher duhet të përdorë motivimin e duhur për të entuziazmuar punonjësit që t'i ndjekin ata. Nga ana tjetër, një punonjës i motivuar është entuziast, i nxitur dhe krenohet me punën e tij. Ata i kryejnë detyrat shpejt, ndërmarrin veprime dhe dëshirojnë të bëjnë një punë të mirë, si për veten e tyre ashtu edhe për kompaninë.

Prandaj, ky studim gjithashtu përqendrohet në motivimin e punonjësve të Hyderabad Industries Ltd.

Ky punim është i strukturuar si më poshtë: Hyrja në të cilën flitet për historikun e faktorëve motivues; shqyrtimi i literaturës ku janë marrur mendime dhe opinione nga burime të ndryshme në lidhje me temën; deklarimin e problemit si dhe hipotezat alternative në lidhje me faktorët motivues në kompaninë të cilën është realizuar hulumtimi; metodologjia që është përdorur deri në arritjen e rezultateve te paraqitura më poshtë, duke pasur parasysh natyrën e kësaj teme është vendosur që të dhënat të jenë sekondare ku këto të dhëna janë të metodologjisë kuantitative, statistikore dhe përshkruese duke përdorur një pyetësor për mbledhjen e të dhënave me anë të të cilit është kryer dhe analiza më vonë; rezultatet të cilat janë të paraqitura në formë tabelare e grafike, si dhe një analizë me SPSS ku kemi përdorur korrelacionin , duke pare se a kanë ndërlidhje në mes vete dy indikatorë te motivimit; si dhe përfundimi që është arritur nëpërmjet këtij hulumtimi dhe se a janë vërtetuar hipotezat alternative; në fund të këtij punimi tek shtojca gjendet dhe pyetësori me dhjetë (10) pyetje të tipit të mbyllur, pyetësor me të cilin janë anketuar 50 persona (punonjës).

DOI

10.33107/ubt-etd.2021.2874

Download

Included in

Business Commons

Share

COinS